June 2022 – B-You Education Center

BYOU with Kunming Association Of Foreign Economic and Technological Cooperation held Start-Up for Lao Youth Project

2022-06-082023-11-21 byouAdmin

Communication

ການລະບາດຂອງພະຍາດໂຄວິດ19 ແມ່ນບໍ່ສາມາດຢຸດການແລກປ່ຽນແລະການຮ່ວມມືທາງດ້ານການພັດທະນາບຸກຄະລາກອນຂອງຊາດໄດ້ ສະນັ້ນຈື່ງມີພິທີເປີດໂຄງການການສົ່ງເສີມການປະກອບອາຊີບແລະການສ້າງທຸລະກິດໄວຫນຸ່ມສາກົນຂື້ນ ໂດຍຜ່ານການປະຊຸມທາງໄກ. ພີທີເປີດໂຄງການສົ່ງເສີມການປະກອບອາຊີບແລະການສ້າງທຸລະກິດຫນຸ່ມລາວ,ສ້າງບຸກຄະລາກອນ,ການເຝິກອົບຮົມອາຊີບທຸລະກິດໄວຫນຸ່ມລາວປະຈຳປີ2021 ໂດຍຈັດຂື້ນສະມາຄົມການຮ່ວມມືເສດຖະກິດເຕັກນິກການຕ່າງປະເທດຂອງນະຄອນຄຸນຫມິງ ແລະ ສະຖາບັນວິຊາຊີບສາກົນລ້ານຊ້າງແມ່ນໍ້າຂອງ,ມະຫາວິທະຍາໄລຊົນເຜົ່າຢຸນນານແລະຫ້ອງການຜູ້ຕ່າງຫນ້າການຄ້ານະຄອນຄຸນຫມິງປະຈຳ ສ.ປ.ລາວ ເຊິ່ງມີຜູ້ເຂົ້າຮ່ວມໃນພີທີດັ່ງກ່າວມີ:

– ທ່ານ ຫຼີປົວຢຽນ (Li Boyan), ຮອງຫົວໜ້າຂະແໜງການຮ່ວມມືເສດຖະກິດ ພະແນກການຄ້າແຂວງຢຸນໜານ

– ທ່ານ ຕົງປົວ (Dong Bo), ເລຂາທິການຄະນະອາຊີວະສາກົນລ້ານຊ້າງ-ແມ່ຂອງ ມະຫາວິທະຍາໄລຊົນເຜົ່າຢຸນໜານ

– ທ່ານ ເວີ້ຍຊື່ລ້ຽງ (Wei Siliang), ເລຂາທິການທົ່ວໄປຂອງສະມາຄົມການຮ່ວມມືດ້ານເສດຖະກິດແລະເຕັກນິກການຕ່າງປະເທດຄຸນໝິງ

– ທ່ານ ຄຳແພງ ລັດມະນີ, ຫົວໜ້າພະແນກຮ່ວມມືດ້ານວັດທະນະທຳ-ສັງຄົມ ຫ້ອງການຄະນະກຳມາທິການຮ່ວມມືລາວ-ຈີນ

– ທ່ານ ຄຳພອນ ສິດທິເດດ, ຮອງຫົວໜ້າພະແນກຮ່ວມມືສາກົນ ກົມພົວພັນຮ່ວມມືຕ່າງປະເທດ ສູນກາງຊາວໜຸ່ມລາວ

– ທ່ານ ຈ່າງໂຢຈົ້ວ (Zhang Youzuo), ຜູ້ອຳນວຍການຫ້ອງການຜູ້ຕາງໜ້າການຄ້າ (ວິສາຫະກິດ)ແຂວງຢຸນໜານປະຈຳລາວ (ນະຄອນຫຼວງວຽງຈັນ)

– ທ່ານ ເສິນຫົງ (Chen Hong), ຜູ້ຕາງໜ້າການຄ້ານະຄອນຄຸນໝິງປະຈຳລາວ

– ທ່ານນາງ ອາລິຍາ ສີລາເພັດ, ຜູ້ອຳນວຍການສູນການສຶກສາ ປີ້ໂຢ່ ແລະ ທ່ານ ທັງສຸພາ ລາວທັງ, ຜູ້ບໍລິຫານບໍລິສັດອິດສະຫຼະ ທີ່ປຶກສາແລະພັດທະນາບຸກຄະລະກອນ

ຜູ້ຕາງໜ້າຜູ້ປະກອບການໃນລາວ ແລະ ຕາງໜ້າສູນພາສາຈີນປີ້ໂຢ່

ໂຄງການດັ່ງກ່າວແມ່ນມີຄວາມສຳຄັນຢ່າງຍິ່ງຕໍ່ບັນດາໄວຫນຸ່ມສາກົນໂດຍສະເພາະ2ຊາດລາວຈີນ, ບັນດາໄວຫນຸ່ມລາວຈະໄດ້ສຶກສາຮຽນຮູ້ຈາກຜູ້ຊ່ຽວຊານທີ່ມີປະສົບການທາງດ້ານການປະກອບອາຊີບ,ສະນັ້ນການພັດທະນາຊາວຫນຸ່ມແລະການສົ່ງເສີມການປະກອບອາຊີບທີ່ເຫມາະສົມແລະມີປະສິດທິພາບແມ່ນມີຄວາມສຳຄັນຕໍ່ການພັດທະນາປະເທດຊາດ.

ແລະໃນໂຄງການດັ່ງກ່າວກໍ່ມີຫລາຍໆພາກສ່ວນໄດ້ປະກອບຄຳຄິດເຫັນ,ແລກປ່ຽນບົດຮຽນໂດຍໄດ້ມີການເຫັນດີແລະເປັນເອກະພາບຕໍ່ກັບການຮ່ວມມື ແລກປ່ຽນບົດຮຽນທາງດ້ານຄວາມຈິງໃຈຕໍ່ກັນແລະຊຸກຍູ້ສົ່ງເສີມທາງດ້ານການປະກອບອາຊີບໃຫ້ແກ່ໄວຫນຸ່ມຈີນ-ລາວໃຫ້ມີຜົນສຳເລັດແລະເພື່ອເປັນການປະກອບສ່ວນຕາມທິດຄູ່ຮ່ວມມືຍຸດທະສາດ,ເສີມຂະຫຍາຍສາຍພົວພັນການຮ່ວມມືລະຫວ່າງລາວ-ຈີນ,ຈີນ-ລາວໃຫ້ຈະເລີນງອກງາມຍິ່ງຂື້ນ

ສູນການສຶກສາປີ້ໂຢ່ ຂອງພວກເຮົາຮູ້ສຶກເປັນກຽດຢ່າງຍິ່ງ ທີ່ໄດ້ມີສ່ວນຮ່ວມໃນການຈັດຕັ້ງງານເຝິກອົບຮົມ StartUp ໄວໜຸ່ມ ໃນຄັ້ງນີ້.

Add Your Heading Text Here

BYOU Sponsorship on Golf Competition of Ministry of Defense and Ministry of Public work and Transport.

2022-06-082022-06-08 byouAdmin

ໃນວັນທີ 2 ເມສາ 2022 ທີ່ຜ່ານມາ, ໄດ້ມີພິທີການແຂ່ງຂັນກິລາຕີກ໊ອບມິດຕະພາບລະຫວ່າງ ກະຊວງປ້ອງກັນຄວາມສະຫງົບ ແລະ ກະຊວງໂຍທາທິການ, ໃຫ້ກຽດເປັນປະທານຂຶ້ນກ່າວເປີດງານ ໂດຍທ່ານ ພົນເອກ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນຄວາມສະຫງົບ, ເຊິ່ງພາຍໃນງານມີແຂກທີ່ມີກຽດ ແລະ ສື່ມວນຊົນ ເຂົ້າຮ່ວມງານຢ່າງຫຼວງຫຼາຍ

ຈຸດປະສົງການແຂ່ງຂັນກິລາຕີກ໊ອບມິດຕະພາບລະຫວ່າງ ກະຊວງປ້ອງກັນຄວາມສະຫງົບ ແລະ ກະຊວງໂຍທາທິການ ໃນຄັ້ງນີ້ເພື່ອສົ່ງເສີມ ການຂັບຂີ່ປອດໄພ ແລະ ຫ່າງໄກຢາເສບຕິດ ແລະ ເພື່ອສ້າງມິດຕະພາບທີ່ດີລະຫວ່າງກະຊວງ , ເຊິ່ງບັນຍາກາດພາຍໃນງານເຕັມໄປດ້ວຍການແຂ່ງຂັນທີ່ດຸເດືອດ ແລະ ມ່ວນຊື່ນ ການແຂ່ງຂັນມີຜູ້ເຂົ້າແຂ່ງຂັນຈາກສອງກະຊວງ ທັງໝົດ 200 ກວ່າຄົນ, ນອກຈາກນັ້ນພາຍໃນງານຍັງມີບູດຈາກ ບໍລິສັດ SKV GROUP ເຊັ່ນ: ສູນການສຶກສາ ປີ້ໂຢ່ (B-YOU EDUCATION CENTER), ບໍລິສັດ ລາວ-ຈີນ ປາຊີຟິກປະກັນໄພ ແລະ ບໍລິສັດ ວຽງຄໍາ ບໍລິການຮັກສາຄວາມປອດໄພ ຈໍາກັດ

ພາຍຫຼັງການແຂ່ງຂັນສຳເລັດຮຽບຮ້ອຍແລ້ວ ໄດ້ມີການມອບຂັນລາງວັນໃຫ້ຜູ້ຊະນະເລີດ ຊິງຂັນ ທ່ານ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນຄວາມສະຫງົບ ແລະ ນອກຈາກນັ້ນ ໃນພິທິມອບຂັນ ທ່ານ ວຽງສະຫວັດ ສີພັນດອນ ລັດຖະມົນຕີກະຊວງ ຍທຂ ໄດ້ຂື້ນມອບກະຕ່າດອກໄມ້ອວຍພອນວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນລາວ ແດ່ ທ່ານ ພົອ ວິໄລ ຫຼ້າຄຳຟອງ ກໍາມະການກົມການເມືອງສູນກາງພັກ,ລັດຖະມົນຕີກະຊວງ ປກສ ອີກດ້ວຍ.

ໃນນາມຂອງ ບໍລິສັດ SKV GROUP ເຊິ່ງນໍາໂດຍ ບໍລິສັດ ວຽງຄໍາ ບໍລິການຮັກສາຄວາມປອດໄພ ຈໍາກັດ ແລະ ບໍລິສັດໃນເຄືອກໍຄື: : ສູນການສຶກສາ ປີ້ໂຢ່ (B-YOU EDUCATION CENTER), ບໍລິສັດ ລາວ-ຈີນ ປາຊີຟິກ ປະກັນໄພ ຮູ້ສຶກເປັນກຽດທີ່ໄດ້ມີສ່ວນຮ່ວມໃນການສະໝັບສະໜູນງານໃນຄັ້ງນີ້ ເຊິ່ງເປັນຄວາມພາກພູມໃຈ ແລະ ຖືເປັນກຽດຢ່າງຍິ່ງ. ແລະ ເປັນອີກງານໜຶ່ງທີ່ມີຄວາມໝາຍຄວາມສໍາຄັນ.

BYOU School Tour at Vientiane High School

2022-06-082023-11-01 byouAdmin

Uncategorized

ວັນທີ 30 ມີນາ 2022 ທີ່ຜ່ານມາ ສູນການສຶກສາ ປີ້ໂຢ່ ໄດ້ຈັດກິດຈະກໍາເຜີຍແຜ່ຄວາມຮູ້ໃຫ້ນ້ອງນັກຮຽນ ທີ່ ມສ ວຽງຈັນ ເພື່ອເຜີຍແຜ່ຄວາມຮູ້ກ່ຽວກັບການແລ່ນທຶນການສຶກສາໄປຮຽນຕໍ່ທີ່ ສປ ຈີນ, ເພື່ອເຮັດໃຫ້ນ້ອງໆທີ່ກຳລັງຢາກໄປສຶກສາຕໍ່ທີ່ຕ່າງປະເທດ ມີຄວາມເຂົ້າໃຈ ທີ່ຖືກຕ້ອງກ່ຽວກັບການແລ່ນທຶນການສຶກສາໄປທີ່ ສປ ຈີນ, ເຊິ່ງໃນງານໃຫ້ກຽດເຜີຍແຜ່ ໂດຍທ່ານ ນາງ ອາລີຍາ ສີລາເພັດ ຜູ້ອຳນວຍການ ສູນສອນພາສາຈີນ ປີ້ໂຢ່ ເຊິ່ງໄດ້ຮັບຄວາມສົນໃຈຈາກນ້ອງໆນັກຮຽນ ພ້ອມຄູອາຈານຈາກ ໂຮງຮຽນ ມ.ສ ວຽງຈັນ ຢ່າງຫຼວງຫຼາຍ

ຈຸດປະສົງ ເພື່ອໃຫ້ນ້ອງໆນັກຮຽນມີຄວາມໄດ້ເຂົ້າໃຈເຖິງຄວາມສໍາຄັນຂອງການຮຽນພາສາຈີນ ທີ່ມີບົດບາດຫຼາຍໃນປັດຈຸບັນ ເປັນພາສາທີ່ມີຄວາມສຳຄັນ ອັນດັບທີ 2 ຂອງໂລກ, ເຊິ່ງພາຍໃນງານໄດ້ມີການເເນະນໍາສາຂາວິຊາຮຽນ, ລັກສະນະຂອງທຶນການສຶກສາແຕ່ລະປະເພດ , ມະຫາວິທະຍາໄລທີ່ໜ້າສົນໃຈ, ເງື່ອນໄຂ ແລະ ຊ່ອງທາງການສະໝັກທຶນທີ່ຖຶກຕ້ອງໃຫ້ກັບນ້ອງໆນັກຮຽນໄດ້ຮັບຮູ້ ແລະ ເຂົ້າໃຈ, ນອກຈາກນັ້ນຍັງໄດ້ແບ່ງຄວາມຮູ້ກ່ຽວກັບຂໍ້ດີຂອງການໄປຮຽນຕໍ່ທີ່ຕ່າງປະເທດ ແລະ ການດໍາລົງຊີວິດໃນ ສປ ຈີນ.

ນອກຈາກນີ້ ຍັງໄດ້ເປີດໂອກາດໃຫ້ນ້ອງໆນັກຮຽນໄດ້ສອບຖາມ ແລະ ແລກປ່ຽນ ກ່ຽວກັບການໄປຮຽນຕໍ່ ສປ ຈີນ ໂດຍພາຍໃນງານໄດ້ເຮັດກິດຈະກໍາ ຖາມ-ຕອບ ຄວາມຮູ້ດ້ານການສຶກສາ ເພື່ອຊິງລາງວັນຈາກ “ສູນການສຶກສາປີ້ໂຢ່” ສ່ວນຫຼຸດທຶນການສຶກສາມູນຄ່າສູງສຸດເຖີງ 10.000.000 ກີບ ເຊິ່ງບັນຍາກາດເຕັມໄປດ້ວຍຄວາມມ່ວນຊື່ນ ແລະ ຍັງໄດ້ຮັບສຽງຕອບຮັບຈາກນ້ອງໆນັກຮຽນໄດ້ເປັນຢ່າງດີ

ສຳລັບກິດຈະກໍາໃນຄັ້ງນີ້ ພວກເຮົາຂໍສະແດວງຄວາມຍິນດີກັບນ້ອງໆທີ່ຮ່ວມເຮັດກິດຈະກຳ ແລະ ເປັນຜູ້ໂຊກດີ ໄດ້ຮັບທຶນການສຶກສາ ສູງສຸດເຖິງ 10,000,000 ກີບ:

– ລາງວັນທີ 1 ໄດ້ແກ່ ທ. ເນລະມິດ ສີວິໄລ ໄດ້ທຶນການສຶກສາຈຳນວນ 10,000,000 ກີບ.

– ລາງວັນທີ 2 ໄດ້ແກ່ ນ. ເຈນນີ້ ຍອຍສາຍຄ່າ ໄດ້ທຶນການສຶກສາຈຳນວນ 7,500,000 ກີບ.

– ລາງວັນທີ 3 ໄດ້ແກ່ ທ. ສິງຫາລາດ ທັດທະວົງ ໄດ້ທຶນການສຶກສາຈຳນວນ 5,000,000 ກີບ.

– ລາງວັນຊົມເຊີຍ ໄດ້ແກ່ ນ. ນິດນິລັນ ແລະ ນ. ທິບພະຈັນ ຈິດຕະວົງ ໄດ້ທຶນການສຶກສາຈຳນວນ 930,000

ສຳລັບ ປັດຈຸບັນການສຶກສາຕໍ່ທີ່ ສປ ຈີນ ແມ່ນມີພາລະບົດບາດ ມີຄວາມສໍາຄັນຫຼາຍ ເພາະໄດ້ມີຫຼາຍບໍລິສັດ ຫຼື ຫ້າງຮ້ານ ຈາກ ສປ ຈີນ ໄດ້ເຂົ້າມາລົງທຶນ ຢູ່ ສປປ ລາວ ນັບມື້ນັບຫຼາຍຂຶ້ນ, ດັ່ງນັ້ນ ຈຶ່ງເວົ້າໄດ້ວ່າ ການສຶກສາຕໍ່ທີ່ ສປ ຈີນ ຫຼື ການຮຽນຮູ້ກ່ຽວກັບ ພາສາຈີນ ແມ່ນນັບມື້ນັບມີຄວາມຈໍາເປັນໃນການນໍາໄປໃຊ້ໃນວຽກງານ ຫຼື ນຳໃຊ້ເຂົ້າໃນຊີວິດປະຈຳວັນ.

BYOU X CAFÉ & RESTAURANT

2022-06-082023-11-07 byouAdmin

ພາບບັນຍາກາດພິທີເຊັນສັນຍາໃນໂຄງການ BYOU X CAFÉ & RESTAURANT ທີ່ຜ່ານມາເຊິ່ງປະກອບດ້ວຍ:

ຮ້ານ SENGLAO CAFÉ.

ຮ້ານຄາເຟ່ ONCE UPON A TIME.

ຮ້ານຄາເຟ່ MAN CAVE CAFÉ.HOSTEL.BAR.

ຮ້ານອາຫານຍີ່ປຸ່ນ NAOKI JAPANESE RESTAURANT.

ຮ້ານ MOMIZU HOUSE (ສາຂາ ໂຊນ້າ ຟຸດເຮົ້າ).

ຮ້ານ KAOGEE CAFÉ.

ຮ້ານ COMMA COFFEE.
ຈຸດປະສົງເພື່ອມອບສິ່ງດີໆ ກໍຄືສ່ວນຫຼຸດຄືນໃຫ້ກັບນັກຮຽນທຸກໆທ່ານ ທີ່ເຂົ້າມາຮຽນພາຍໃນ ສູນການສຶກສາ ປີ້ໂຢ່ ແລະ ນອກຈາກນັ້ນຍັງຕ້ອງການເຕີມເຕັມຄວາມສຸກ ແລະ ຄວາມສະດວກສະບາຍໃນການເຂົ້າໄປໃຊ້ບໍລິການໃນຮ້ານຄາເຟ່ທີ່ເຂົ້າຮ່ວມໂຄງການ.

#byouxcafe.