ພວກເຮົາເປັນສູນການສຶກສາສ້າງຕັ້ງຂຶ້ນໃນປີ 2018 ທີ່ໃຫ້ບໍລິການດ້ານການເຝິກອົບຮົມພາສາຕ່າງປະເທດໃຫ້ແກ່ຄົນລາວ ໂດຍເນັ້ນໃສ່ “ພາສາຈີນ”ເປັນຫຼັກ ແລະ ການເຝິກອົບຮົມພາສາລາວໃຫ້ແກ່ຄົນຕ່າງຊາດ . ນອກນັ້ນທາງເຮົາຮັບໃຫ້ຄຳປຶກສາໃຫ້ກັບພໍ່ແມ່ນັກຮຽນ ແລະ ນ້ອງໆນັກຮຽນທີ່ສົນໃຈໄປຮຽນຕໍ່ທີ່ປະເທດຈີນ ຕັ້ງແຕ່ລະດັບມັດທະຍົມປາຍຂຶ້ນໄປຮອດລະດັບປະລິນຍາຕີ, ໂທ ແລະ ເອກ ໃນລະບົບຈ່າຍເອງ(self-support) ແລະ ລະບົບໄດ້ທຶນການສຶກສາ(schorlarship).
ທາງເຮົາຈະໃຫ້ຄຳປຶກສາທີ່ເປັນປະໂຫຍດ ແລະ ເຫມາະສົມແກ່ນັກຮຽນທຸກຄົນ ເພື່ອຕອບສະຫນອງຄວາມຕ້ອງການໃຫ້ແກ່ຜູ້ຮຽນ ແລະ ເພື່ອປະສິດຕິພາບທີ່ດີກວ່າ. ເຊິ່ງທາງເຮົາໄດ້ສົ່ງນັກຮຽນໄປຍັງມະຫາໄລຊັ້ນນຳຫລາຍກວ່າ 70 ແຫ່ງ ແລະ ຍັງມີມະຫາໄລອື່ນໆອີກທົ່ວປະເທດຈີນ.
Ms.Aliya Silaphet
Founder – Director
ການທີ່ໄດ້ມາເຮັດວຽກງານດ້ານການສຶກສາຖືເປັນຄວາມໄຝ່ຝັນຢ່າງຫນຶ່ງຂອງຂ້າພະເຈົ້າ, ການໄດ້ຮັບການສຶກສາທີ່ດີປຽບເໝືອນການໄດ້ຮັບໂອກາດ ແລະ ເປັນດັ່ງໄຟເຍືອງທາງໃນການດຳລົງຊີວິດ.
ຂ້າພະເຈົ້າເຄີຍໄດ້ຮັບໂອກາດໃນການສຶກສາທີ່ດີ ສະນັ້ນຂ້າພະເຈົ້າກໍຢາກສົ່ງມອບ “ໂອກາດ” ອັນລຳ້ຄ່ານີ້ໃຫ້ແກ່ຄົນອື່ນເຊັ່ນດຽວກັນ. ຂ້າພະເຈົ້າພ້ອມທີມງານມີເປົ້າໝາຍທີ່ຊັດເຈນໃນການຍົກລະດັບວຽກງານການສຶກສາຢູ່ ສປປ ລາວໃຫ້ທຽບເທົ່າສາກົນ.
Mr.Thangsoupha Laothang
Co-Founder – Principal
ພວກເຮົາແນມເຫັນຄວາມສຳຄັນໃນການສະໜອງບໍລິການທີ່ມີມາດຕະຖານ, ການໃຫ້ຄວາມຮູ້ທີ່ມີຄຸນນະພາບແກ່ນັກຮຽນທຸກຄົນ,ທີ່ສຳຄັນພວກເຮົາຍັງເນັ້ນໃສ່ການພັດທະນາຄຸນນະພາບ ແລະ ຄວາມສາມາດຂອງອາຈານຢ່າງບໍ່ຢຸດຢັ້ງ. ນອກນັ້ນການໃຫ້ສະພາບເວດລ້ອມໃນການຮຽນ ການການສອນທີ່ສະອາດປອດໄພມີອຸປະກອນອຳນວຍຄວາມສະດວກເພື່ອໃຫ້ການຮຽນການສອນມີປະສິດຕິພາບສູງສຸດ.
