ຫຼັກສູດ ພາສາລາວພື້ນຖານ ( 基础老挝语 )

ຫຼັກສູດ ພາສາລາວພື້ນຖານ ( 基础老挝语 )

ຫຼັກສູດ ພາສາລາວພື້ນຖານ ( 基础老挝语 ) ເປັນຫຼັກສູດທີ່ເໝາະສໍາລັບຄົນຈີນທີ່ຕ້ອງການເຂົ້າມາລົງທຶນໃນ ສປປ ລາວ ຫຼື ຜູ້ທີ່ສົນໃຈໃນພາສາລາວ ຕັ້ງແຕ່ຄົນທີ່ບໍ່ມີພື້ນຖານພາສາລາວມາກ່ອນ ເຊິ່ງແນ່ໃສ່ການຮຽນການສອນເພື່ອໃຫ້ນັກຮຽນສາມາດນຳໃຊ້ພາສາລາວເຂົ້າໃນຊີວິດປະຈຳວັນໄດ້ຢ່າງເປັນທຳມະຊາດ ແລະ ນຳໃຊ້ໄດ້ຈິງໃນຍຸກປັດຈຸບັນ.

ຫຼັກສູດ ພາສາລາວພື້ນຖານ( 基础老挝语)ປະກອບມີທັງໝົດລະດັບ ໂດຍແບ່ງອອກຄື:

-   基础老挝语 1 ແມ່ນແນໃສ່ການຮຽນຮູ້ພາສາລາວເລີ່ມຕົ້ນຕັ້ງແຕ່ການ ສະຫຼະ, ພະຍັນຊະນະ, ວັນນະຍຸດ ແລະ ການປະກອບຄຳສັບເປັນຫຼັກ.

-   基础老挝语 2 ແມ່ນແນໃສ່ການນໍາໃຊ້ໄວຍະກອນຂອງພາສາລາວໃຫ້ຖືກຕ້ອງ ແລະ ທັນຕາມຍຸກສະໄໝ.

ຫຼັກສູດການຮຽນ ພາສາລາວພື້ນຖານ ( 基础老挝语 )   ປະກອບດ້ວຍປຶ້ມຕໍາລາ ແລະ ແບບເຝິກຫັດ ເຊິ່ງຖືກອອກແບບໃຫ້ສອດຄ່ອງຕາມສະພາບຂອງຜູ້ຮຽນ ແລະ ຈະຍາກຂຶ້ນເມື່ອເພິ່ມລະດັບຮຽນ. ນັກຮຽນທີ່ຜ່ານຫຼັກສູດ ພາສາລາວພື້ນຖານ ( 基础老挝语 ) ຈະມີລະດັບພາສາລາວທີ່ສາມາດຟັງ, ເວົ້າ, ອ່ານ ແລະ ຂຽນພາສາລາວພື້ນຖານໄດ້ຢ່າງຄ່ອງແຄ້ວ .

ການຈັດແບ່ງລະດັບການຮຽນ

基础老挝语 1

§  ໃຊ້ເວລາ 74 ຊົ່ວໂມງ ຈະມີພາກການຟັງ, ການອ່ານ, ການຂຽນ ແລະ ການເວົ້າ

§  ລະດັບນີ້ແມ່ນເໝາະສົມກັບຜູ້ທີ່ບໍ່ມີພື້ນຖານພາສາລາວມາກ່ອນ ເຊິ່ງປື້ມຫົວນີ້ ຖືກອອກແບບມາໃຫ້ມີເນື້ອໃນຄົບຖ້ວນສົມບູນຕາມຫຼັກພາສາລາວ ເພື່ອໃຫ້ນັກຮຽນສາມາດນຳໃຊ້ພາສາລາວຂັ້ນພື້ນຖານໄດ້ເປັນຢ່າງດີ;

基础老挝语 2

§  ໃຊ້ເວລາ 74 ຊົ່ວໂມງຕໍ່ເຫຼັ້ມ ຈະມີພາກການຟັງ, ການອ່ານ ແລະ ການຂຽນ;

§  ລະດັບນີ້ແມ່ນເໝາະສົມກັບຜູ້ທີ່ມີພື້ນຖານພາສາຈີນມາກ່ອນ . ເຊິ່ງປື້ມຫົວນີ້ ຖືກອອກແບບມາເພື່ອໃຫ້ນັກຮຽນສາມາດນຳໃຊ້ພາສາລາວສົນທະນາໃນຊິວິດປະຈໍາວັນໄດ້ດີ ແລະ ສາມາດສືສານກັບຄົນລາວໄດ້ຢ່າງຄ່ອງແຄ່ວ.

      ສະຫລຸບການຮຽນຈະໃຊ້ເວລາທັງໝົດ 118 ຊົ່ວໂມງ, ຕົກປະມານ 6 ເດືອນ ໃນການຮຽນຈົບຫລັກສູດ ເຊິ່ງນັກຮຽນສາມາດວາງເປົ້າໝາຍການຮຽນຕາມເງື່ອນໄຂຕົວຈິງຂອງນັກຮຽນ, ຫລັງຈາກຮຽນຈົບນັກຮຽນຈະສາມາດນໍາໃຊ້ພາສາລາວພື້ນຖານໄດ້ເໝືອນກັບເຈົ້າຂອງພາສາ, ມີຄວາມຮູ້ທາງພື້ນຖານດ້ານວັດທະນະທຳ, ປະຫວັດສາດ, ວັນນະຄະດີ ແລະ ດ້ານອື່ນໆຂອງປະເທດລາວ.

ໂປແກມການຮຽນ

  ໂປແກມການຮຽນຂອງພວກເຮົາຖືກອອກແບບມາເພື່ອຕອບສະໜອງຄວາມຕ້ອງການຂອງນັກຮຽນ ແລະ ສອດຄ່ອງຕໍ່ຄຸນລັກສະນະຂອງນັກຮຽນ, ເພາະພວກເຮົາແນເຫັນຄວາມສໍາຄັນຂອງການຮຽນທີ່ມີຄວາມຕໍ່ເນື່ອງ ແລະ ພ້ອມກັນນັ້ນ ເພື່ອຍົກລະດັບຄຸນນະພາບຂອງການຮຽນເພີ່ມພາສາໃຫ້ມີປະສິດທິພາບສູງສຸດ ຈຶ່ງມີການຈັດແບ່ງໂປແກມອອກມາເປັນ 2 ແບບຄື:

1.ໂປແກຣມ 1 ແມ່ນຮຽນ Offline: 4ມື້ຕໍ່ອາທິດໃນວັນທໍາມະດາ (2 ຊົ່ວໂມງ/ມື້) ຫຼື ເສົາທິດ 2 ມື້(3 ຊົ່ວໂມງ/ມື້) ລວມທັງໝົດ 6 ຊົ່ວໂມງ/ອາທິດ. ກຳນົດນັກຮຽນໃນຫ້ອງ 6-15 ຄົນ.

. 基础老挝语 1: 2-3 ເດືອນ

. 基础老挝语 2 : 2-3 ເດືອນ

2.ໂປແກຣມ Private Offline ສ່ວນບຸກຄົນ

2.1ໂປແກຣມ Private Offline ສ່ວນບຸກຄົນໃນສະຖານທີ່: ເປັນໂປແກຣມສໍາລັບນັກຮຽນທີ່ຕ້ອງການຈັດສັນມື້ຮຽນ ແລະ ຊົ່ວໂມງຮຽນດ້ວຍຕົນເອງ, ເຊິ່ງກຳນົດໂມງຮຽນອາທິດໜຶ່ງບໍ່ໃຫ້ຫຼຸດ 3 ຊົ່ວໂມງ/ທິດ, ຈຳນວນນັກຮຽນແມ່ນ 1-5 ຄົນ.

3.2 ໂປແກຣມ Private Offline ສ່ວນບຸກຄົນ ນອກສະຖານທີ່: ເປັນໂປແກຣມສໍາລັບນັກຮຽນທີ່ຕ້ອງການຈັດສັນມື້ຮຽນ ແລະ ຊົ່ວໂມງຮຽນດ້ວຍຕົນເອງ, ເຊິ່ງກຳນົດໂມງຮຽນອາທິດໜຶ່ງບໍ່ໃຫ້ຫຼຸດ 3 ຊົ່ວໂມງ/ທິດ, ຈຳນວນນັກຮຽນແມ່ນ 1-5 ຄົນ, 6-10ຄົນ

4.ໂປແກຣມ Private Offline ບໍລິສັດ

4.1 ໂປແກຣມ Private Offline ບໍລິສັດ ໃນສະຖານທີ່: ອອກເເບບມາໃຫ້ກັບກຸ່ມບໍລິສັດທີ່ຕ້ອງການໃຫ້ທັງຄະນະບໍລິຫານ ຫລື ພະນັກງານຂອງບໍລິສັດ ເຊິ່ງທາງເຮົາຈະສົ່ງອາຈານໄປສອນທີ່ສະຖານທີ່ຂອງລູກຄ້າ. 

ຈໍານວນນັກຮຽນແມ່ນ 1-10 ຄົນ, 10-20ຄົນ, 20-30ຄົນ.

  ສໍາລັບໂປແກຣມ Private ແມ່ນຈະມີມາດຕະການຮຽນທົດແທນຄືນແບບພິເສດໃຫ້ແກ່ນັກຮຽນໃນຊົ່ວໂມງທີ່ຂາດ ເຊິ່ງສູງສຸດແມ່ນຈະທົດແທນໃຫ້ນັກຮຽນເປັນເວລາ 1/3 ຂອງໄລຍະຮຽນທັງໝົດທີ່ໄດ້ຊໍາລະຄ່າຮຽນໄປ, ຖ້າຫາກເກີນຈາກນັ້ນ ແມ່ນຕ້ອງໄດ້ປິດຄອສ  Private.

5.ໂປແກຣມອອນລາຍ

     ໂປແກຣມອອນລາຍ ແມ່ນຖືກອອກແບບມາສຳລັບນັກຮຽນທີ່ບໍ່ສະດວກເຂົ້າມາຮຽນໃນສະຖານທີ່ ຫຼື ຕ້ອງການຮຽນຜ່ານທາງອອນລາຍ ເຊິ່ງລວມທັງກຸ່ມນັກຮຽນຕ່າງແຂວງທີ່ຕ້ອງການຮຽນ, ບໍ່ວ່າເພື່ອຕຽມເຂົ້າຮຽນຢູ່ປະເທດຈີນ, ເພື່ອຕຽມເສັງ ຫລື ໃຊ້ໃນວຽກງານອື່ນໆ, ທາງໂຮງຮຽນເຮົາຈະສາມາດອອກແບບຫຼັກສູດອອນລາຍທີ່ສາມາດຕອບສະໜອງຄວາມຕ້ອງການຂອງນັກຮຽນໄດ້ຢ່າງເໝາະສົມ. ການຮຽນອອນລາຍ ຈະມີຈຸດດີຢູຫຼາຍໆດ້ານ ເຊັ່ນ: ບໍ່ຈຳກັດສະຖານທີ່ຮຽນ, ສະດວກໃນການຂະຫຍາຍຄວາມຮູ້ໃຫ້ແກ່ນັກຮຽນ, ສາມາດແຊກຊ້ອນຄລິບສຽງ ວິດິໂອ ແລະ ຮູບແບບການສອນທີ່ໜ້າສົນໃຈອື່ນໆເຂົ້າມາໄດ້, ສາມາດຮັບປະກັນປະສິດທິຜົນໃນການຮຽນໃຫ້ໄດ້ດີທີ່ສຸດ.

ເປັນເວທີໃຫ້ນັກຮຽນມີຄວາມກ້າສະແດງອອກໃນການນໍາໃຊ້ພາສາ.

ການສອບເສັງ ແລະ ການມອບໃບຢັ້ງຢືນ

ຈະມີການສອບເສັງທຸກໆກາງເທີມ ແລະ ທ້າຍເທີມ, ການປະເມີນຄຸນນະພາບດ້ານການຮຽນ ໂດຍຈະມີການຈັດແບ່ງສັດສ່ວນການໃຫ້ຄະແນນດັ່ງນີ້:

-ການສອບເສັງ 50%

-ການເຂົ້າຮຽນ 30%

-ການເຮັດວຽກບ້ານ 20%

ການກຳນົດສັດສ່ວນຄະແນນໃນຮູບແບບນີ້ ແມ່ນມີຈຸດປະສົງເພື່ອກະຕຸ້ນຄວາມເອົາໃຈໃສ່ຕໍ່ການຮໍ່າຮຽນຂອງນັກຮຽນໃຫ້ຫຼາຍຂຶ້ນ ໂດຍເນັ້ນໜັກທັງຂັ້ນຕອນການຮຽນ ແລະ ຜົນການສອບເສັງໃຫ້ມີຄວາມສົມດຸນກັນ, ເມື່ອຄະແນນແຕ່ລະພາກສ່ວນຜ່ານຕາມເກນມາດຕະຖານ, 

ຫຼັງຈາກຮຽນຈົບຄອສ ແມ່ນຈະມີການມອບໃບຄະແນນ ແລະ ໃບຢັ້ງຢືນການຮຽນໃຫ້ກັບນັກຮຽນເຊິ່ງນັກຮຽນສາມາດເອົາໄປປະກອບເອກະສານເຂົ້າໃນການຢັ້ງຢືນລະດັບພາສາໄດ້ກັບຫລາຍໆສະຖາບັນ ຫຼື ບໍລິສັດ.

ກຸ່ມນັກຮຽນ

ນັກຮຽນເເມ່ນຕ້ອງມີອາຍຸ 13 ປີຂຶ້ນໄປ, ເຊິ່ງນັກຮຽນຈະເເບ່ງໄປຕາມໂປຣເເກມການຮຽນທີ່ນັກຮຽນ

ເລືອກເຊິ່ງບໍ່ໄດ້ຈຳເເນກອາຍຸ.