Business Chinese

ຫຼັກສູດ SH (商务汉语)
ຫຼັກສູດ New Silk Road Business Chinese (新丝路商务汉语) ເປັນຫຼັກສູດທີ່ອອກແບບມາຕອບສະໜອງຕາມຄວາມຕ້ອງການຂອງບຸກຄົນ ຫລື ອົງກອນທີ່ຕ້ອງການຮຽນຮູ້ພາສາຈີນທີ່ມີຄຳສັບສະເພາະທາງທຸລະກິດ ລວມທັງການເນັ້ນຮຽນໃນເລື່ອງທັກສະຕ່າງໆທາງທຸລະກິດ ເພື່ອນຳໃຊ້ໃນການເຮັດວຽກໂດຍສະເພາະ. ຫຼັກສູດນີ້ອອກແບບມາເພື່ອພັດທະນາທັກສະທາງພາສາທັງ 4 ດ້ານ ກໍຄື ການຟັງ ການອ່ານ ການເວົ້າ ແລະ ການຂຽນ, ໂດຍຈະເນັ້ນທັງຄຳສັບ, ໄວຍະກອນ ແລະ ວັດທະນະທຳດ້ານທຸລະກິດຂອງຈີນໄປພ້ອມໆກັນ, ນໍາໃຊ້ຫົວຂໍ້ ແລະ ຄຳສັບກ່ຽວກັບທຸລະກິດ ແນ່ໃສ່ການສອນທີ່ມີປະສິດທິພາບ ແລະ ຊ່ວຍພັດທະນາການສື່ສານໃນການເຮັດວຽກໄດ້ຢ່າງເຕັມທີ່.
ຫຼັກສູດນີ້ມີທັງໝົດ 3 ລະດັບຄື: ລະດັບພື້ນຖານ, ລະດັບກາງ ແລະ ລະດັບສູງ,  ແຕ່ລະລະດັບຈະປະກອບມີສອງເຫຼັ້ມ, ເຊິ່ງແຕ່ລະເຫຼັ້ມຈະມີເປົ້າໝາຍໃນການຮຽນທີ່ແຕກຕ່າງກັນຄື:
• ລະດັບພື້ນຖານ: ເນື້ອໃນຫຼັກຈະກ່ຽວຂ້ອງກັບການສົນທະນາທົ່ວໄປໃນວຽກງານທຸລະກິດ, ໂດຍເນັ້ນໜັກການເສີມສ້າງຄວາມສາມາດຂອງນັກຮຽນໃນການພົວພັນວຽກງານທຸລະກິດທີ່ເປັນພາສາຈີນໃນຂັ້ນພື້ນຖານ.
• ລະດັບກາງ: ເນື້ອໃນແມ່ນກວມລວມທັງຄໍາສັບຊີວິດປະຈໍາວັນ ແລະ ຄໍາສັບທຸລະກິດ, ມີທັງການສົນທະນາເປັນພາສາຈີນທຸລະກິດທົ່ວໄປ ແລະ ຄຳສັບສະເພາະທາງທີ່ມັກຈະຖືກນຳໃຊ້ໃນໜ້າວຽກທົ່ວໄປ.
• ລະດັບສູງ: ເນື້ອໃນຂອງລະດັບນີ້ແມ່ນໄດ້ຮຽບຮຽງຕາມສະຖານະການວຽກງານທຸລະກິດຕົວຈິງ, ເນັ້ນໜັກການພັດທະນາທັກສະການອ່ານ ການຟັງ ການເວົ້າ ການຂຽນໄປຄວບຄູ່ກັນ, ຫຼັງຈາກຮຽນຈົບລະດັບນີ້ ນັກຮຽນສາມາດສື່ສານວຽກງານທຸລະກິດເປັນພາສາຈີນໄດ້ຢ່າງສະດວກສະບາຍ ແລະ ຄ່ອງແຄ້ວ.
ການຈັດແບ່ງລະດັບການຮຽນ

 ມີທັງໝົດ 3 ລະດັບຄື: ລະດັບພື້ນຖານ, ລະດັບກາງ ແລະ ລະດັບສູງ
• ລະດັບພື້ນຖານ: ປະກອບມີ 2 ເຫຼັ້ມ, ແຕ່ລະເຫຼັ້ມໃຊ້ເວລາ 104 ຊົ່ວໂມງ ເນື້ອໃນຫຼັກຈະກ່ຽວຂ້ອງກັບການສົນທະນາທົ່ວໄປໃນວຽກງານທຸລະກິດ, ໂດຍເນັ້ນໜັກການເສີມສ້າງຄວາມສາມາດຂອງນັກຮຽນໃນການພົວພັນວຽກງານທຸລະກິດທີ່ເປັນພາສາຈີນໃນຂັ້ນພື້ນຖານ.
• ລະດັບກາງ: ປະກອບມີ 2 ເຫຼັ້ມ, ແຕ່ລະເຫຼັ້ມໃຊ້ເວລາ 104 ຊົ່ວໂມງ ເນື້ອໃນແມ່ນກວມລວມທັງຄຳສັບຊີວິດປະຈຳວັນ ແລະ ຄຳສັບທຸລະກິດ, ມີທັງການສົນທະນາເປັນພາສາຈີນທຸລະກິດທົ່ວໄປ ແລະ ຄຳສັບສະເພາະທາງທີ່ມັກຈະຖືກນຳໃຊ້ໃນໜ້າວຽກທົ່ວໄປ.
• ລະດັບສູງ: ປະກອບມີ 2 ເຫຼັ້ມ, ແຕ່ລະເຫຼັ້ມໃຊ້ເວລາ 104 ຊົ່ວໂມງ ເນື້ອໃນຂອງລະດັບນີ້ແມ່ນໄດ້ຮຽບຮຽງຕາມສະຖານະການວຽກງານທຸລະກິດຕົວຈິງ, ເນັ້ນໜັກການພັດທະນາທັກສະການອ່ານ ການຟັງ ການເວົ້າ ການຂຽນໄປຄວບຄູ່ກັນ, ຫຼັງຈາກຮຽນຈົບລະດັບນີ້ນັກຮຽນສາມາດສື່ສານວຽກງານທຸລະກິດເປັນພາສາຈີນໄດ້ຢ່າງສະດວກສະ
ບາຍ ແລະ ຄ່ອງແຄ້ວ.


        ສະຫລຸບການຮຽນຈະໃຊ້ເວລາທັງໝົດ 624 ຊົ່ວໂມງ, ຕົກປະມານ 1 ປີເຄິ່ງໃນການຮຽນຈົບຫລັກສູດເຊິ່ງນັກຮຽນສາມາດວາງເປົ້າໝາຍການຮຽນຕາມເງື່ອນໄຂຕົວຈິງຂອງນັກຮຽນ, ຫລັງຈາກຮຽນຈົບນັກຮຽນຈະສາມາດນໍາໃຊ້ພາສາຈີນໄດ້ເໝືອນກັບເຈົ້າຂອງພາສາ, ມີຄວາມຮູ້ທາງດ້ານວັດທະນະທຳ, ປະຫວັດສາດ, ພູມສາດ, ວັນນະຄະດີ ແລະ ດ້ານອື່ນໆຂອງປະເທດຈີນ.

ໂປແກມການຮຽນ
ໂປແກຣມການຮຽນຂອງພວກເຮົາຖືກອອກແບບມາເພື່ອຕອບສະໜອງຄວາມຕ້ອງການຂອງນັກຮຽນ ແລະ ສອດຄ່ອງຕໍ່ຄຸນລັກສະນະຂອງນັກຮຽນ,ເພາະພວກເຮົາແນ່ເຫັນຄວາມສຳຄັນຂອງການຮຽນທີ່ມີຄວາມຕໍ່ເນື່ອງ ແລະ ພ້ອມກັນນັ້ນ ເພື່ອຍົກລະດັບຄຸນນະພາບຂອງການຮຽນເພີ່ມພາສາໃຫ້ມີປະສິດທິພາບສູງສຸດ ຈຶ່ງມີການຈັດແບ່ງໂປແກມອອກມາເປັນ 5 ແບບຄື:

1.ໂປແກມ 3 ແມ່ນຮຽນ Offline 3 ມື້ຕໍ່ອາທິດໃນວັນທໍາມະດາ (2 ຊົ່ວໂມງ/ມື້) ຫຼື ເສົາທິດ 2 ມື້(3 ຊົ່ວໂມງ/ມື້) ລວມທັງໝົດ 6 ຊົ່ວໂມງ/ອາທິດ. ກຳນົດນັກຮຽນໃນຫ້ອງ 6-15 ຄົນ.
-BCລະດັບພື້ນຖານ 1  ໃຊ້ເວລາ 4 ເດືອນ
-BCລະດັບພື້ນຖານ 2 ໃຊ້ເວລາ 4 ເດືອນ
-BCລະດັບກາງ      1 ໃຊ້ເວລາ 4 ເດືອນ
-BCລະດັບກາງ      2 ໃຊ້ເວລາ 4 ເດືອນ
-BCລະດັບສູງ       1 ໃຊ້ເວລາ 4 ເດືອນ
-BCລະດັບສູງ       2 ໃຊ້ເວລາ 4 ເດືອນ
2.ໂປແກມ 4 ແມ່ນຮຽນ Offline ໃນວັນທໍາມະດາ ຈັນ-ພະຫັດ(2 ຊົ່ວໂມງ/ມື້) ລວມທັງໝົດ 8 ຊົ່ວໂມງ/ອາທິດ. ກຳນົດນັກຮຽນໃນຫ້ອງ 6-15 ຄົນ.
-BCລະດັບພື້ນຖານ 1  ໃຊ້ເວລາ 3 ເດືອນ
-BCລະດັບພື້ນຖານ 2 ໃຊ້ເວລາ 3 ເດືອນ
-BCລະດັບກາງ      1 ໃຊ້ເວລາ 3 ເດືອນ
-BCລະດັບກາງ      2 ໃຊ້ເວລາ 3 ເດືອນ
-BCລະດັບສູງ       1 ໃຊ້ເວລາ 3 ເດືອນ
-BCລະດັບສູງ       2 ໃຊ້ເວລາ 3 ເດືອນ
3.ໂປແກມ Private Offline ສ່ວນບຸກຄົນ
3.1ໂປແກມ Private Offline ສ່ວນບຸກຄົນ ໃນສະຖານທີ່: ເປັນໂປແກມສຳລັບນັກຮຽນທີ່ຕ້ອງການຈັດສັນມື້ຮຽນ ແລະ ຊົ່ວໂມງຮຽນດ້ວຍຕົນເອງ, ເຊິ່ງກຳນົດໂມງຮຽນອາທິດໜຶ່ງບໍ່ໃຫ້ຫຼຸດ 3 ຊົ່ວໂມງ/ທິດ, ຈຳນວນນັກຮຽນແມ່ນ 1-5 ຄົນ.
3.2 ໂປແກມ Private Offline ສ່ວນບຸກຄົນ ນອກສະຖານທີ່: ເປັນໂປແກມສຳລັບນັກຮຽນທີ່ຕ້ອງການຈັດສັນມື້ຮຽນ ແລະ ຊົ່ວໂມງຮຽນດ້ວຍຕົນເອງ, ເຊິ່ງກຳນົດໂມງຮຽນອາທິດໜຶ່ງບໍ່ໃຫ້ຫຼຸດ 3 ຊົ່ວໂມງ/ທິດ, ຈຳນວນນັກຮຽນແມ່ນ 1-5 ຄົນ, 6-10ຄົນ

4.ໂປແກມ Private Offline ບໍລິສັດ
4.1 ໂປແກມ Private Offline ບໍລິສັດ ໃນສະຖານທີ່: ອອກເເບບມາໃຫ້ກັບກຸ່ມບໍລິສັດທີ່ຕ້ອງການໃຫ້ທັງຄະນະບໍລິຫານ ຫລື ພະນັກງານຂອງບໍລິສັດ ເຊິ່ງທາງເຮົາຈະສົ່ງອາຈານໄປສອນທີ່ສະຖານທີ່ຂອງລູກຄ້າ.
ຈຳນວນນັກຮຽນແມ່ນ 1-10 ຄົນ, 10-20ຄົນ, 20-30ຄົນ.

ສໍາລັບໂປແກມ Private ແມ່ນຈະມີມາດຕະການຮຽນທົດແທນຄືນແບບພິເສດໃຫ້ແກ່ນັກຮຽນໃນຊົ່ວໂມງທີ່ຂາດ ເຊິ່ງສູງສຸດແມ່ນຈະທົດແທນໃຫ້ນັກຮຽນເປັນເວລາ 1/3 ຂອງໄລຍະຮຽນທັງໝົດທີ່ໄດ້ຊໍາລະຄ່າຮຽນໄປ, ຖ້າຫາກເກີນຈາກນັ້ນ ແມ່ນຕ້ອງໄດ້ປິດຄອສ  Private.

ການສອນ Offlineແມ່ນການສອນໃນຫ້ອງຮຽນ ຮັບປະກັນຄຸນນະພາບຂອງການຮຽນ ແລະ ການໃສ່ໃຈນັກຮຽນຢ່າງທົ່ວເຖິງ.ການຮຽນຂອງພວກເຮົາຈະເນັ້ນການເປີດໂອກາດໃຫ້ນັກຮຽນໄດ້ປະຕິ
ບັດ ແລະ ນໍາໃຊ້ພາສາຕົວຈິງ ເປັນເວທີໃຫ້ນັກຮຽນມີຄວາມກ້າສະແດງອອກໃນການນໍາໃຊ້ພາສາ. 

ການສອບເສັງ ແລະ ການມອບໃບຢັ້ງຢືນ
ຈະມີການສອບເສັງທຸກໆກາງເທີມ ແລະ ທ້າຍເທີມ, ເຊິ່ງຫົວບົດສອບເສັງແມ່ນຈະຖືກອອກແບບໃຫ້ມີທັງພາກການຟັງ ການອ່ານ ການຂຽນ ເເລະ ການເວົ້າ ຕາມແຕ່ລະລະດັບ,ພ້ອມກັນນັ້ນຍັງມີການປະເມີນຄຸນນະພາບດ້ານການຮຽນ ໂດຍຈະມີການຈັດແບ່ງສັດສ່ວນການໃຫ້ຄະແນນດັ່ງນີ້:
-ການສອບເສັງ  50%
-ການເຂົ້າຮຽນ 30%
-ການເຮັດວຽກບ້ານ 20%
ການກຳນົດສັດສ່ວນຄະແນນໃນຮູບແບບນີ້ ແມ່ນມີຈຸດປະສົງເພື່ອກະຕຸ້ນຄວາມເອົາໃຈໃສ່ຕໍ່ການຮໍ່າຮຽນຂອງນັກຮຽນໃຫ້ຫຼາຍຂຶ້ນ ໂດຍເນັ້ນໜັກທັງຂັ້ນຕອນການຮຽນ ແລະ ຜົນການສອບເສັງໃຫ້ມີຄວາມສົມດຸນກັນ, ເມື່ອຄະແນນແຕ່ລະພາກສ່ວນຜ່ານຕາມເກນມາດຕະຖານ,
ຫຼັງຈາກຮຽນຈົບຄອສ ແມ່ນຈະມີການມອບໃບຄະແນນ ແລະ ໃບຢັ້ງຢືນການຮຽນໃຫ້ກັບນັກຮຽນເຊິ່ງນັກຮຽນສາມາດເອົາໄປປະກອບເອກະສານເຂົ້າໃນການຢັ້ງຢືນລະດັບພາສາໄດ້ກັບຫລາຍໆສະຖາບັນ ຫຼື ບໍລິສັດ.

ການເສັງທຽບວັດລະດັບ
ກ່ອນຈະເຂົ້າຮຽນແມ່ນທາງເຮົາຈະມີການເສັງທຽບລະດັບພາສາຈີນເພື່ອຈັດນັກຮຽນໃຫ້ເຂົ້າໃນຫ້ອງທີ່ເໝາະກັບລະດັບພາສາຂອງນັກຮຽນ ໂດຍອີງໃສ່ຫົວບົດສອບເສັງທຽບລະດັບທີ່ເປັນມາດຕະຖານຂອງ HSK.

ກຸ່ມນັກຮຽນ
ຈະເເນໃສ່ກຸ່ມນັກຮຽນທີ່ເຮັດວຽກເເລ້ວ ເເລະ ຢາກເນັ້ນການໃຊ້ພາສາຈີນໃນການເຮັດທຸລະກິດໂດຍກົງ. ເຊິ່ງເຮົາຈະກຳນົດເງື່ອນໄຂລະດັບພາສາໃນການເຂົ້າຮຽນຂອງເເຕ່ລະລະດັບດັ່ງນີ້: 
1.BCລະດັບພື້ນຖານ   ນັກຮຽນຕ້ອງຜ່ານລະດັບພາສາຈີນທຽບເທົ່າ HSK3
2.BCລະດັບກາງ         ນັກຮຽນຕ້ອງຜ່ານລະດັບພາສາຈີນທຽບເທົ່າ HSK4
3.BCລະດັບສູງ           ນັກຮຽນຕ້ອງຜ່ານລະດັບພາສາຈີນທຽບເທົ່າ HSK5