ຫຼັກສູດ HSK (汉语水平考试)

ຫຼັກສູດ HSK (汉语水平考试)

ຫຼັກສູດ HSK ເປັນຫຼັກສູດທີ່ເໝາະສຳລັບນັກຮຽນຕັ້ງແຕ່ 13 ປີຂຶ້ນໄປ ແລະ ຕັ້ງແຕ່ຄົນທີ່ບໍ່ມີພື້ນຖານພາສາຈີນມາກ່ອນ. ເຊິ່ງແນ່ໃສ່ການສອນເພື່ອໃຫ້ນັກຮຽນສາມາດເຂົ້າຮ່ວມການສອບເສັງHSK ໃນແຕ່ລະດັບ ເຊິ່ງເປັນການສອບເສັງທີ່ມີມາດຕະຖານລະດັບສາກົນຂອງພາສາຈີນກາງ ຖ້າສົມທຽບກັບພາສາອັງກິດ ແມ່ນຄ້າຍຄືກັບການສອບເສັງ TOEFL ແລະ IELTS ທີ່ສະຖາບັນ, ມະຫາວິທະຍາໄລ ລວມທັງບໍລິສັດຫຼາຍແຫ່ງໃນທົ່ວໂລກໃຫ້ການຍອມຮັບ ແລະ ສຳຄັນຫຼາຍຕໍ່ການໄປຮຽນຕໍ່ຢູ່ປະເທດຈີນ ທັງນັ້ນ, ກໍມີຫຼາຍກວ່າ 120 ປະເທດເຂົ້າຮ່ວມເປັນສະຖາບັນສອບເສັງ HSK.

ການສອບເສັງ HSK ຈັດຂື້ນໂດຍ The Office of Chinese Language Council International: HANBAN ເຊິ່ງແມ່ນອົງການໜຶ່ງຂອງກະຊວງສຶກສາທິການຂອງສາທາລະນະລັດປະຊາຊົນຈີນ. ໂດຍອອກແບບສະເພາະໃຫ້ແກ່ນັກຮຽນຕ່າງປະເທດທີ່ຕ້ອງການຮຽນຮູ້ພາສາ ແລະ ວັດທະນະທໍາຈີນ.

ໃບຢັ້ງຢືນ HSK ເປັນໃບຢັ້ງຢືນລະດັບຄວາມສາມາດດ້ານພາສາຈີນກາງ. ຫຼັກສູດ HSK ມີທັງໝົດ 6 ລະດັບ ໂດຍແບ່ງຕາມຄວາມຍາກງ່າຍ ແລະ ຈຳນວນຄຳສັບທີ່ແຕກຕ່າງກັນໄປ ຈະມີຕັ້ງແຕ່ 150 ຄໍາສັບ ຈົນເຖິງ 5,000 ຄໍາສັບ.

ຫຼັກສູດການຮຽນ HSK ປະກອບດ້ວຍປຶ້ມຕໍາລາ ແລະ ແບບເຝິກຫັດ ເຊິ່ງແຕ່ລະລະດັບແມ່ນຖືກອອກແບບໃຫ້ສອດຄ່ອງຕາມສະພາບຂອງຜູ້ຮຽນ ແລະ ຈະຍາກຂຶ້ນເມື່ອເພິ່ມລະດັບຮຽນ. ນັກຮຽນທີ່ຜ່ານຫຼັກສູດລະດັບ HSK6 ຈະມີລະດັບພາສາຈີນທີ່ສາມາດຟັງ, ເວົ້າ, ອ່ານ ແລະ ຂຽນພາສາຈີນໄດ້ທຽບເທົ່າກັບເຈົ້າຂອງພາສາ.

ສໍາລັບນັກຮຽນທີ່ຮຽນຈົບຫຼັກສູດຂອງພວກເຮົາຕັ້ງແຕ່ລະດັບ HSK1 ຈົນຈົບ HSK4 ທາງໂຮງຮຽນແມ່ນຈະມີທຶນການສຶກສາຮຽນຕໍ່ຢູ່ປະເທດຈີນໃຫ້ນັກຮຽນໂດຍບໍ່ເສຍຄ່າໃຊ້ຈ່າຍໃນການພົວພັນແລ່ນທຶນ.

ການຈັດແບ່ງລະດັບການຮຽນ

HSK1

ໃຊ້ເວລາ 64 ຊົ່ວໂມງ ຈະມີພາກການຟັງ ແລະ ການອ່ານ;

ຄຳສັບທັງໝົດ 150 ຄຳສັບ;

ລະດັບນີ້ແມ່ນເໝາະສົມກັບຜູ້ທີ່ບໍ່ມີພື້ນຖານພາສາຈີນມາກ່ອນ ເຊິ່ງປື້ມຫົວນີ້ ຖືກອອກແບບມາໃຫ້ມີເນື້ອໃນທີ່ກະທັດຫັດ ແລະ ເຂົ້າໃຈງ່າຍ ເພື່ອໃຫ້ນັກຮຽນສາມາດນຳໃຊ້ພາສາຈີນຂັ້ນພື້ນຖານໄດ້;

ໃນ HSK1 ຕົວອັກສອນທັງໝົດ ແມ່ນມີພິນອິນປະກອບພ້ອມ;

ໄລຍະເວລາໃນການສອບເສັງ 40 ນາທີ ຫົວຂໍ້ສອບເສັງ ມີທັງໝົດ 40 ຂໍ້ ພາກການຟັງ 20 ຂໍ້ ແລະ ພາກການອ່ານ 20 ຂໍ້ ;

ຄະແນນເຕັມ 300 ຄະແນນ, ຄະແນນຜ່ານ 180 ຄະແນນ.

HSK2

ໃຊ້ເວລາ 64 ຊົ່ວໂມງ ຈະມີພາກການຟັງ ແລະ ການອ່ານ;

ຄຳສັບທັງໝົດ 300 ຄຳສັບ;

ລະດັບນີ້ແມ່ນເໝາະສົມກັບຜູ້ທີ່ມີພື້ນຖານພາສາຈີນຂັ້ນຕົ້ນມາກ່ອນ ຫຼື ຜ່ານHSK1 ມາແລ້ວ. ເຊິ່ງປື້ມຫົວນີ້ ຖືກອອກແບບມາໃຫ້ມີເນື້ອໃນທີ່ກະທັດຫັດ ແລະ ເຂົ້າໃຈງ່າຍ ເພື່ອໃຫ້ນັກຮຽນສາມາດນຳໃຊ້ພາສາຈີນຂັ້ນພື້ນຖານໄດ້;

ໃນ HSK2 ຕົວອັກສອນທັງໝົດ ແມ່ນມີພິນອິນປະກອບພ້ອມ;

ໄລຍະເວລາໃນການສອບເສັງ 55 ນາທີ ຫົວຂໍ້ສອບເສັງ ມີທັງໝົດ 60 ຂໍ້ ພາກການຟັງ 35 ຂໍ້ ແລະ ພາກການອ່ານ 25 ຂໍ້ ;

ຄະແນນເຕັມ 300 ຄະແນນ, ຄະແນນຜ່ານ 180 ຄະແນນ.

HSK3

ໃຊ້ເວລາ 64 ຊົ່ວໂມງ ຈະມີພາກການຟັງ, ການອ່ານ ແລະ ການຂຽນ;

ຄຳສັບທັງໝົດ 600 ຄຳສັບ;

ລະດັບນີ້ແມ່ນເໝາະສົມກັບຜູ້ທີ່ມີພື້ນຖານພາສາຈີນໃນລະດັບໜຶ່ງມາກ່ອນ ຫຼື ຜ່ານHSK2 ມາແລ້ວ. ເຊິ່ງປື້ມຫົວນີ້ ຖືກອອກແບບມາໃຫ້ມີເນື້ອໃນທີ່ກະທັດຫັດ ແລະ ເຂົ້າໃຈງ່າຍ ເພື່ອໃຫ້ນັກຮຽນສາມາດນຳໃຊ້ພາສາຈີນຂັ້ນພື້ນຖານໄດ້;

ໃນ HSK3 ຕົວອັກສອນທັງໝົດ ແມ່ນບໍ່ມີພິນອິນປະກອບພ້ອມ;

ໄລຍະເວລາໃນການສອບເສັງ 90 ນາທີ ຫົວຂໍ້ສອບເສັງ ມີທັງໝົດ 80 ຂໍ້ ພາກການຟັງ 40 ຂໍ້, ພາກການອ່ານ 30 ຂໍ້ ແລະ ພາກການຂຽນ 10 ຂໍ້;

ຄະແນນເຕັມ 300 ຄະແນນ, ຄະແນນຜ່ານ 180 ຄະແນນ.

HSK4 上/下

ໃຊ້ເວລາ 64 ຊົ່ວໂມງຕໍ່ເຫຼັ້ມ ຈະມີພາກການຟັງ, ການອ່ານ ແລະ ການຂຽນ;

ຄຳສັບທັງໝົດ 1,200 ຄຳສັບ;

ລະດັບນີ້ແມ່ນເໝາະສົມກັບຜູ້ທີ່ມີພື້ນຖານພາສາຈີນມາກ່ອນ ຫຼື ຜ່ານHSK3 ມາແລ້ວ. ເຊິ່ງປື້ມຫົວນີ້ ຖືກອອກແບບມາໃຫ້ມີເນື້ອໃນທີ່ກະທັດຫັດ ແລະ ເຂົ້າໃຈງ່າຍ ເພື່ອໃຫ້ນັກຮຽນສາມາດນຳໃຊ້ພາສາຈີນສົນທະນາໃນຊິວິດປະຈໍາວັນໄດ້;

ໃນ HSK4 ຕົວອັກສອນທັງໝົດ ແມ່ນບໍ່ມີພິນອິນປະກອບພ້ອມ;

ໄລຍະເວລາໃນການສອບເສັງ 105 ນາທີ ຫົວຂໍ້ສອບເສັງ ມີທັງໝົດ 100 ຂໍ້ ພາກການຟັງ 45 ຂໍ້, ພາກການອ່ານ 40 ຂໍ້ ແລະ ພາກການຂຽນ 15 ຂໍ້;

ຄະແນນເຕັມ 300 ຄະແນນ, ຄະແນນຜ່ານ 180 ຄະແນນ.

HSK5 上/下

ໃຊ້ເວລາ 72 ຊົ່ວໂມງຕໍ່ເຫຼັ້ມ ຈະມີພາກການຟັງ, ການອ່ານ ແລະ ການຂຽນ;

ຄຳສັບທັງໝົດ 2,500 vǚຄຳສັບ;

ລະດັບນີ້ແມ່ນເໝາະສົມກັບຜູ້ທີ່ມີພື້ນຖານພາສາຈີນມາກ່ອນ ຫຼື ຜ່ານHSK4 ມາແລ້ວ. ເຊິ່ງປື້ມຫົວນີ້ ຖືກອອກແບບມາໃຫ້ມີເນື້ອໃນທີ່ກະທັດຫັດ ແລະ ເຂົ້າໃຈງ່າຍ ເພື່ອໃຫ້ນັກຮຽນສາມາດນຳໃຊ້ພາສາຈີນສົນທະນາໃນຊິວິດປະຈໍາວັນໄດ້;

ໃນ HSK5 ຕົວອັກສອນທັງໝົດ ແມ່ນບໍ່ມີພິນອິນປະກອບພ້ອມ;

ໄລຍະເວລາໃນການສອບເສັງ 125 ນາທີ ຫົວຂໍ້ສອບເສັງ ມີທັງໝົດ 100 ຂໍ້ ພາກການຟັງ 45 ຂໍ້, ພາກການອ່ານ 45 ຂໍ້ ແລະ ພາກການຂຽນ 10 ຂໍ້;

ຄະແນນເຕັມ 300 ຄະແນນ, ຄະແນນຜ່ານ 180 ຄະແນນ.

HSK6 上/下

ໃຊ້ເວລາ 80 ຊົ່ວໂມງຕໍ່ເຫຼັ້ມ ຈະມີພາກການຟັງ, ການອ່ານ ແລະ ການຂຽນ;

ຄຳສັບທັງໝົດ 5,000 ຄຳສັບ;

ລະດັບນີ້ແມ່ນເໝາະສົມກັບຜູ້ທີ່ມີພື້ນຖານພາສາຈີນມາກ່ອນ ຫຼື ຜ່ານHSK5 ມາແລ້ວ. ເຊິ່ງປື້ມຫົວນີ້ ຖືກອອກແບບມາເພື່ອໃຫ້ນັກຮຽນສາມາດນຳໃຊ້ພາສາຈີນສົນທະນາໃນຊິວິດປະຈໍາວັນໄດ້ດີ, ສາມາດສືສານກັບຄົນຈີນໄດ້ຢ່າງຄ່ອງແຄ່ວ, ທັງສາມາດແປເອກະສານທາງການໄດ້ໃນລະດັບໜຶ່ງ;

ໃນ HSK6 ຕົວອັກສອນທັງໝົດ ແມ່ນບໍ່ມີພິນອິນປະກອບພ້ອມ;

ໄລຍະເວລາໃນການສອບເສັງ 140 ນາທີ ຫົວຂໍ້ສອບເສັງ ມີທັງໝົດ 101 ຂໍ້ ພາກການຟັງ 50 ຂໍ້, ພາກການອ່ານ 50 ຂໍ້ ແລະ ພາກການຂຽນ 1 ຂໍ້;

ຄະແນນເຕັມ 300 ຄະແນນ, ຄະແນນຜ່ານ 180 ຄະແນນ.

ສະຫລຸບການຮຽນຈະໃຊ້ເວລາທັງໝົດ 624 ຊົ່ວໂມງ, ຕົກປະມານ 2 ປີເຄິ່ງໃນການຮຽນຈົບຫລັກສູດ HSK1-6, ເຊິ່ງນັກຮຽນສາມາດວາງເປົ້າໝາຍການຮຽນຕາມເງື່ອນໄຂຕົວຈິງຂອງນັກຮຽນ, ຫລັງຈາກຮຽນຈົບນັກຮຽນຈະສາມາດນໍາໃຊ້ພາສາຈີນໄດ້ເໝືອນກັບເຈົ້າຂອງພາສາ, ມີຄວາມຮູ້ທາງດ້ານວັດທະນະທຳ, ປະຫວັດສາດ, ພູມສາດ, ວັນນະຄະດີ ແລະ ດ້ານອື່ນໆຂອງປະເທດຈີນ.

ໂປແກມການຮຽນ

ໂປແກມການຮຽນຂອງພວກເຮົາຖືກອອກແບບມາເພື່ອຕອບສະໜອງຄວາມຕ້ອງການຂອງນັກຮຽນ ແລະ ສອດຄ່ອງຕໍ່ຄຸນລັກສະນະຂອງນັກຮຽນ, ເພາະພວກເຮົາແນເຫັນຄວາມສໍາຄັນຂອງການຮຽນທີ່ມີຄວາມຕໍ່ເນື່ອງ ແລະ ພ້ອມກັນນັ້ນ ເພື່ອຍົກລະດັບຄຸນນະພາບຂອງການຮຽນເພີ່ມພາສາໃຫ້ມີປະສິດທິພາບສູງສຸດ ຈຶ່ງມີການຈັດແບ່ງໂປແກມອອກມາເປັນ 2 ແບບຄື:

1.ໂປແກຣມ 1 ແມ່ນຮຽນ Offline: 3ມື້ຕໍ່ອາທິດໃນວັນທໍາມະດາ (2 ຊົ່ວໂມງ/ມື້) ຫຼື ເສົາທິດ 2 ມື້(3 ຊົ່ວໂມງ/ມື້) ລວມທັງໝົດ 6 ຊົ່ວໂມງ/ອາທິດ. ກຳນົດນັກຮຽນໃນຫ້ອງ 6-15 ຄົນ.

-HSK1 ໃຊ້ເວລາ 2.5 ເດືອນ

-HSK2 ໃຊ້ເວລາ 2.5 ເດືອນ

-HSK3 ໃຊ້ເວລາ 3 ເດືອນ

-HSK4 ໃຊ້ເວລາ 4.5 ເດືອນ

-HSK5 ໃຊ້ເວລາ 6 ເດືອນ

-HSK6 ໃຊ້ເວລາ 6 ເດືອນ

2.ໂປແກຣມ 2 ແມ່ນຮຽນ Offline:
ໃນວັນທໍາມະດາ ຈັນ-ພະຫັດ(2 ຊົ່ວໂມງ/ມື້) ລວມທັງໝົດ 8 ຊົ່ວໂມງ/ອາທິດ. ກຳນົດນັກຮຽນໃນຫ້ອງ 6-15 ຄົນ.

-HSK1 ໃຊ້ເວລາ 2 ເດືອນ

-HSK2 ໃຊ້ເວລາ 2 ເດືອນ

-HSK3 ໃຊ້ເວລາ 2.5 ເດືອນ

-HSK4 ໃຊ້ເວລາ 3.5 ເດືອນ

-HSK5 ໃຊ້ເວລາ 4 ເດືອນ

-HSK6 ໃຊ້ເວລາ 4 ເດືອນ

3.ໂປແກຣມ Private Offline ສ່ວນບຸກຄົນ

3.1ໂປແກຣມ Private Offline ສ່ວນບຸກຄົນໃນສະຖານທີ່: ເປັນໂປແກຣມສໍາລັບນັກຮຽນທີ່ຕ້ອງການຈັດສັນມື້ຮຽນ ແລະ ຊົ່ວໂມງຮຽນດ້ວຍຕົນເອງ, ເຊິ່ງກຳນົດໂມງຮຽນອາທິດໜຶ່ງບໍ່ໃຫ້ຫຼຸດ 3 ຊົ່ວໂມງ/ທິດ, ຈຳນວນນັກຮຽນແມ່ນ 1-5 ຄົນ.

3.2 ໂປແກຣມ Private Offline ສ່ວນບຸກຄົນ ນອກສະຖານທີ່: ເປັນໂປແກຣມສໍາລັບນັກຮຽນທີ່ຕ້ອງການຈັດສັນມື້ຮຽນ ແລະ ຊົ່ວໂມງຮຽນດ້ວຍຕົນເອງ, ເຊິ່ງກຳນົດໂມງຮຽນອາທິດໜຶ່ງບໍ່ໃຫ້ຫຼຸດ 3 ຊົ່ວໂມງ/ທິດ, ຈຳນວນນັກຮຽນແມ່ນ 1-5 ຄົນ, 6-10ຄົນ

4.ໂປແກຣມ Private Offline ບໍລິສັດ

4.1 ໂປແກຣມ Private Offline ບໍລິສັດ ໃນສະຖານທີ່: ອອກເເບບມາໃຫ້ກັບກຸ່ມບໍລິສັດທີ່ຕ້ອງການໃຫ້ທັງຄະນະບໍລິຫານ ຫລື ພະນັກງານຂອງບໍລິສັດ ເຊິ່ງທາງເຮົາຈະສົ່ງອາຈານໄປສອນທີ່ສະຖານທີ່ຂອງລູກຄ້າ.

ຈໍານວນນັກຮຽນແມ່ນ 1-10 ຄົນ, 10-20ຄົນ, 20-30ຄົນ.

ສໍາລັບໂປແກຣມ Private ແມ່ນຈະມີມາດຕະການຮຽນທົດແທນຄືນແບບພິເສດໃຫ້ແກ່ນັກຮຽນໃນຊົ່ວໂມງທີ່ຂາດ ເຊິ່ງສູງສຸດແມ່ນຈະທົດແທນໃຫ້ນັກຮຽນເປັນເວລາ 1/3 ຂອງໄລຍະຮຽນທັງໝົດທີ່ໄດ້ຊໍາລະຄ່າຮຽນໄປ, ຖ້າຫາກເກີນຈາກນັ້ນ ແມ່ນຕ້ອງໄດ້ປິດຄອສ  Private.

5.ໂປແກຣມອອນລາຍ

ໂປແກຣມອອນລາຍ ແມ່ນຖືກອອກແບບມາສຳລັບນັກຮຽນທີ່ບໍ່ສະດວກເຂົ້າມາຮຽນໃນສະຖານທີ່ ຫຼື ຕ້ອງການຮຽນຜ່ານທາງອອນລາຍ ເຊິ່ງລວມທັງກຸ່ມນັກຮຽນຕ່າງແຂວງທີ່ຕ້ອງການຮຽນ, ບໍ່ວ່າເພື່ອຕຽມເຂົ້າຮຽນຢູ່ປະເທດຈີນ, ເພື່ອຕຽມເສັງ ຫລື ໃຊ້ໃນວຽກງານອື່ນໆ, ທາງໂຮງຮຽນເຮົາຈະສາມາດອອກແບບຫຼັກສູດອອນລາຍທີ່ສາມາດຕອບສະໜອງຄວາມຕ້ອງການຂອງນັກຮຽນໄດ້ຢ່າງເໝາະສົມ. ການຮຽນອອນລາຍ ຈະມີຈຸດດີຢູຫຼາຍໆດ້ານ ເຊັ່ນ: ບໍ່ຈຳກັດສະຖານທີ່ຮຽນ, ສະດວກໃນການຂະຫຍາຍຄວາມຮູ້ໃຫ້ແກ່ນັກຮຽນ, ສາມາດແຊກຊ້ອນຄລິບສຽງ ວິດິໂອ ແລະ ຮູບແບບການສອນທີ່ໜ້າສົນໃຈອື່ນໆເຂົ້າມາໄດ້, ສາມາດຮັບປະກັນປະສິດທິຜົນໃນການຮຽນໃຫ້ໄດ້ດີທີ່ສຸດ.